25 апрелехь Нохчийн  Республикан  Ахьмад-Хьажи   Кадыровн  ц1арахчу  Сийлаллин х1олламан музейхь  д1адаьхьира Нохчийн метта  денна лерина цхьанакхетар. Кхузахь жам1аш дира  оцу денна  лерина дешархошна юкъахь  кхайкхийначу  литературин къийсамна. Школийн дешархоша  сочинени язъян езара «Ахьмад – Хьажи Кадыров – къоман баьчча» аьлла ц1е йолчу темехь.

1-ра меттиг  яьккхира Гуьмсан к1оштан Бильтой-Юьртан юккъардешаран   ишколан  3-чу классан дешархочо Аласханова Айдинас а, Грозни-г1алин №4 йолчу гимназин 8 «Б» классан дешархочо Эвзиева Хедас  а, Грозный-г1алин  №18 йолчу юкъардешаран ишколан  7 «Д» классан дешархочо Шовхалов Жабраила а.

2-г1а меттиг яьккхира Грозный-г1алин №4 йолчу гимназин 4 «Б» классан дешархочо Газиев Денис а, Грозный-г1алин   №106 йолчу  юкъардешаран ишколан  4 «А» классан дешархочо Мадагова Миланас а, Грозный-г1алин №4 йолчу гимназин  5 «А» классан дешархочо Махамханова Алинас а.

Цхьанакхетар д1адаьхьира Нохчийн меттан сийлалла хазалла, ненан мотт хааран мехалалла юьйцуш видеороликаш гайтарца, нохчийн поэтийн байташ а йийшира. Цхьанакхетар дерзош толам баьккхинчу кьийсаман декъашхошна а, хьешашна а мехала совг1аташ дира. Хьешийн ц1арах даггара баркалла олуш, лакхара мах хадош бинчу белхан  Нохчийн  Республикан  Ахьмад-Хьажи   Кадыровн  ц1арахчу  Сийлаллин х1олламан  белхалошна а, дешархошна а, хьехархошна а  баркалла элира Вагапова Асета.